Саятқызы Диана

№92 гимназия, 8 сынып

«Армансыз адам-қанатсыз құспен тең»деген екен дана халқымыз. Әр адамның өз болмысына сай бала кезден армандаған арманы болады. Менің араманым-журналист болу. Теледидардан жаңалықтар мен әр түрлі бағдарламалар көріп, өздігімше сараптап, жақсысын алып, көңілге түйіп отырмын. Жүргізуші дикторлардың дауыс ырғағына, сөйлеу мәнеріне мән беріп, тәнті болатынмын. Болашақта өзімнің тележобам болса деймін. Қазіргі таңда 85 жыл мерейтойы болып жатқан, қара алтынның ордасы, көмір өнеркәсібінің ірі орталығы болып, мәдениет пен озық ғылымның ошағына айналған туған жерім Қарағанды қаласының көркеюіне өз үлесімді еңбегіммен қосуды мақсат етемін. Ұстаздарымның берген білімін, дәрісін ақтап, оны қоғамда да қолдана алу, әр ұстаздың ерен еңбегінің белгісі. Қазірдің өзінде, өзімді гимназиямыздың үлгілі оқушысы ретінде, білімді оқушылар мен ұстаздарға өзімді көрсете білдім деп ойлаймын. Менің алға қойған мақсатым тек қана гимназияның мақтанышы емес, Қазақстан Республикасының мақтанышы болып, еліміздің туын желбіретіп, биік асулардан көрсету.
1692