8ә-сынып оқушысы Шахмет Арнұр тоғызқұмалақ бойынша "ҚР спорт шеберлігіне кандидат" спорт разрядына ие болса, 6б-сынып оқушысы Искакова Аяна ХІХ облыстық қысқы Гимназиядада үстел теннисінен ІІ орынға ие болды. Оқушыларымызды құттықтаймыз!

Бастауыш сынып апталығының алғашқы күні көңілді сәлемдесуден басталды. Қоңырауда балалар түрлі аялдамаларда қызықты тапсырмалар орындап, басқатырмақтар шешеті. Сонлай-ақ балалар М. Әлімбаевтың өмірбаяны мен шығармалары туралы түрлі тапсырмаларды орындап, көркем жазу байқауына қатысты. Балаларға сәттілік тілейміз.

Гимназиясда 10-ақпан күні "Қазақстандағы бүгінгі мектеп жағдайындағы STEM білім беру" атты шеберлік сағаты өтті. Шеберлік сағатты екі бөліммен гимназияның физика және информатика пәнінің мұғалімі Атик Б. В. ұйымдастырды. Облысымыздың әр мектептерінен жиналған мұғалімдеріне STEM білім беру тұжырымдамасы, мақсат-міндеттері, әдістері, күтілетін нәтижелерімен таныстырып, тәжірибе жүзінде іске асыру жолдарын көрсетті.

Әскери киінген жарыс қатысушылары белтемірде тартылу, пневматикалық мылтықпен ату, калашников автоматын бөлшектеп жинау, әскери қорғаныш кешенін уақытқа кию бойынша сынасты. Нәтижесінде гимназия командасы “Кермеде тартылу”, “АК-74 жартылай бөлшектеп жинау” бойынша жүлделі ІІІ орынды иеленді. Жетекшісі М.С.Джамалбаев. Жеңімпаздарды құттықтаймыз!

Апталықтың алғашқы күндері информатика мұғалімі Жеңісхан Н. мен математика мұғалімі Катепбай А. Май ауданы жас мамандарына ашық сабақ берді. Апталықты қорытындылау мақсатында Ақсу қаласының құрметті азаматшасы Сламбекова Рымкеш Хамитовнамен «Дара жол» танымдық бағдарламасы ұйымдастырылып, Рымкеш Хамитовна оқушылармен өзінің өнегелі сөзі мен жүріп өткен дара жолындағы қызықтарымен бөлісті.

8 ақпан күні гимназияда облыстық мамандандырылған мектеп оқушыларының арасында ағылшын тілінде жолдастық дебат турнирі ұйымдастырылды. Ойын БПФ форматы бойынша 2 айналымда өтті. Жартылай финалда командалар «Бұл палата көптілді оқыту оқушылардың білім сапасына оң әсерін тигізеді деп есептейді» қарары бойынша ойнады. Турнир жеңімпаздары кубок, дипломмен және шағын сыйлықтармен, қатысушылар Алғыс хатпен марапатталды.

6 ақпан күні гимназиямызда мұғалімдерге арналған «Іс әрекетті зерттеу (ACTION RESEARCH)» тақырыбында коучинг өткізілді. Коучингте директордың дарынды балалармен жұмыс жөніндегі орынбасары, тренер Г.Н.Оразова мен директордың ғылым жөніндегі орынбасары К.М.Аккентаева мұғалімдерді зерттеу кезеңдерімен таныстырып, бұл ретте ең маңыздысы жүйелілік екендігі айтылып өтілді.

Құрманғазы Сағырбайұлының 200 жылдығына арналған “Қасиетті ішектер” қалалық орындаушылық шеберлік байқауының жүлдегерлері Маркс Нұртас пен Атаканова Томиристі құттықтаймыз!

3 ақпан күні мамандандырылған мектептердің жаратылыстану-математика бағытындағы пәндерді ағылшын тілінде оқытатын мұғалімдеріне арнап “Тілдік орта құру арқылы мектеп оқушыларының көптілділігін қалыптастыру” тақырыбында облыстық семинар өткізілді. Семинар барысында гимназияның физика пәні мұғалімдері А.С.Қабылбекова, Б.В.Атик Б.В., информатика мұғалімі Э.Т.Абылгазина және химия пәні мұғалімі Г.Е. Сыздыкова ашық сабақтар көрсетті.

“Самғау” командасы "Халық радиосы" радиоканалының "Айқын” бағдарламасына сұхбат беріп келді. Астана қаласында 2 рет өткен First чемпионатының бірінде 1 орын, екіншісінде номинацияға ие болған дағды-іскерлік, шығармашылық қабілеттері туралы айтып, ой бөлісті. Бұл хабарда команда мүшелері First халықаралық сайысының шарттары мен бөлімдері, құндылықтар мен инновациялық жоба және робот ойыны туралы айтты.

Гимназиямызда «STEM-ғылыми-техникалық білім негізі» атты жоба жүзеге асырылуда. 25 қаңтар күні Б.В.Атик облыс ұстаздарына « STEM оқытушысы ретінде табысқа жету үшін не қажет?» тақырыбында онлайн форматта шеберлік сынып өткізді. Бұл іс- шарада ұстаздар STEM мұғалімі оқушыларда қандай дағдыларды дамыту, STEM оқыту әдістері, 5Е оқыту циклін оқытуға қолданатын зерттеуге негізделген модулдің құрылымы жөнінде жұмыстарына қажетті құнды мәліметтер алып, ары қарай да бірлесіп жұмыс істеуді жоспарлады.

Шығармашылығымен шыңдалған шығармашыл оқушымыз Махсатхан Қымбат кезекті жеңісімен қуантты. Облыстық Абай оқуларында "Жүйріктен жүйрік озар жарысқанда" номинациясында жүлдегер атанды. Осыған дейін, Қымбат - Ақберен, Мұқағали мен Мағжан оқуларында да жүлдегер атанған. Қымбат, жеңісін құтты болсын! Биік белестерді бағындыра бер!